Est online su Giassu de sa limba sarda de sa Provintzia sud
Sardegna. Bene meda e gratzias a Alessia Etzi, Annalisa Caboni e ateras. Deo apo comintzau a iscriere. Custu su primu contributu meu:
Sa Chistione de sa Limba in Montanaru e/o Antiogu Casula,
prus connotu comente Montanaru (su proerzu suo), forsis su poeta sardu prus
mannu, subra de sa Limba at iscrittu cosas chi galu in die de oe sunt de
importu mannu, non solu in su chi pertocat sa funtzione de su Sardu in sa
poesia, s’iscola, sa vida de sa zente, ma puru pro cumprendere sa chistione de
s’unificatzione o, comente si narat cun una paraula moderna, sa
«standardizatzione».
Comintzamus a amentare chi Montanaru at poetadu in sardu ebia, in sa limba de sa mama in cada si siat manera e cun balentia manna. Est pro more de sa limba sarda chi issu podet arribare a iscriere poesias mannas e galanas.
In sa poesia sua si nuscat frischesa e sincheresa: su poeta de Desulo, peroe, in sa limba non biet una funtzione literaria e poetica ebia ma peri una funtzione tzivile, de educatzione, de imparu pro sa vida.
In su Diariu suo iscriet gosi: […] il
diffondere l’uso della lingua sarda in tutte le scuole di ogni ordine e grado
non è per gli educatori sardi soltanto una necessità psicologica alla quale
nessuno può sottrarsi, ma è il solo modo di essere Sardi, di essere cioè quello
che veramente siamo per conservare e difendere la personalità del nostro
popolo. E se tutti fossimo in questa disposizione di idee e di propositi ci
faremmo rispettare più di quanto non ci rispettino.
E galu: Spetta a noi maestri in primo luogo di richiamare gli scolari alla conoscenza del mondo che li circonda usando la lingua materna. Diat essere – comente podet cumprendere cada unu de nois – chi cada mastru de iscola imbetzes de cundennare sa limba e sa curtura de su logu de sos dischentes, a issos los depet zunzullare a connoschere e istudiare e imparare cun su limbazzu issoro, una manera de essere, de fàghere, de cumprendere, ebia gai si trasmitit a beru sa curtura de su logu, in iscola.
del
del Prof. Francesco
Casula.
Nessun commento:
Posta un commento