Organizzato
da Gana 'e Gortoe bar
caffetteria
Venerdì 30 2019 dalle ore 19:00 alle
ore 22:00
Gana ‘e Gortoe bar Caffetteria
Via Olbia, 42, Siniscola
S’art cafè Gana ‘e Gortoe, Giumar
multiservice e sos familiares suos organizant su primu “Prèmiu Vitòriu Sella”
de poesia sarda ammentende a s’istòricu, giornalista e iscritore
bitzichesu/thiniscolesu a pagos meses dae sa dispedida sua. A sos poetas chi
ant a resurtare binchidores e mentzionados (e gasi a totu sos àteros in pare
cun cada amantiosu) los invitamus a pigare parte a sa tzerimònia de
premiatzione programada pro su 30 de austu in Thiniscole a ora de sas 19.00 in
sa corte de sa cafeteria serente a s’omònima gruta, in carrera de Olbia. Sos
chi sighint sunt sos ses puntos de su bandu chi publicamus oe, su 28 de
làmpadas de su 2019.
Primu “Prèmiu Vitòriu Sella” de poesia sarda
Thiniscole, su 30 de austu in Gana ‘e Gortoe
1) Su primu “Prèmiu Vitòriu Sella” de poesia sarda est unu cuncursu literàriu in memòria de s’istòricu, giornalista e iscritore bitzichesu/thiniscolesu a pagos meses dae sa dispedida sua. Un’omenàgiu a sa figura e a sos traballos suos pro dare valore a sa terra nostra. Cunforma a custa punna invitamus sos poetas de Sardigna a pigare parte a custu prèmiu imbiende unu cumponimentu in limba sarda o in àteras minorias linguìsticas (tataresu, aligaresu, gadduresu, tabarchinu).
2) Cada poeta podet pigare parte a su prèmiu cun una poesia ebbia seberende una de sas duas setziones ammìtidas: poesia in rima; poesia a versu lìberu. Non b’at perunu tema impostu, ma diat èssere cosa agradèssida a retzire cumponimentos in lìnia cun sas temàticas carignadas dae s’istimadu Vitòriu in sos artìculos, in sas monografias, in sas poesias e in sos contos suos. Sas poesias devent èssere inèditas (mai publicadas, nemmancu in internet) e mai premiadas in aterue.
3) Sas poesias est mègius chi non nche barighent una pàgina word (interlìnia sìngula e 12 puntos de mannària caràtile). Intro de su 30 de trìulas nche devent cròmpere a sos giurados via posta eletrònica imbiende·nche·las a s’indiritzu info@giumarmultiservice.com e inditende·li in s’ogetu una de sas optziones chi sighint: “Prèmiu Vitòriu Sella” - Setzione in rima; “Prèmiu Vitòriu Sella” - Setzione a versu lìberu. In cada poesia non devent mancare tìtulu, nùmene e sambenadu de s’autore e nùmeru telefònicu. Sas poesias in tataresu, aligaresu, gadduresu, tabarchinu est mègius chi crompant in pare cun una tradutzione in sardu o in italianu.
4) Pro su chi pertocat su sardu est mègius chi sos poetas sigant a su nessi sas règulas de su “Premio Ozieri” (http://www.bibliotechelogudoro.org/PremioOzieri/Regole.asp). Chie cheret podet iscrìere cun sas règulas de sa limba comuna. Pro chistiones de mètrica o esigèntzias de rima, no amus a impedire s’impreu de sa vocale paragògica a concruos de faeddu, bastis chi (s’in casu acontessat) nche siat in intro de una parèntesi. Es: sos pitzinnos(o).
5) Sos chimbe giurados ant a seletzionare sas poesias cunforma a sa chirca cuntzetuale e linguìstica de cada autore. A costàgiu de sa giuria tècnica, su die de sa premiatzione, una giuria populare cun àteras chimbe persones at valutare sas poesias e sas interpretatziones de sos premiados e de sos mentzionados presentes. De custa manera ant a èssere tres sas classìficas: 1) Setzione in rima (tres premiados e tres mentzionados); 2) Setzione a versu lìberu (su matessi); 3) Classìfica populare (unu binchidore ebbia). In contu de prèmios sos poetas ant a retzire produtos artesanales e eno-gastronòmicos locales gràtzias a s’agiudu de operadores e atividades de su logu.
6) Sos poetas premiados e mentzionados ant a retzire s’avisu (in risposta a sa prima mail o a su nùmeru telefònicu inditadu in sa matessi) non prus a tardu de su 15 de austu. Sa positzione in classìfica at a èssere comunicada su die matessi de sa premiatzione. Sas poesias premiadas e mentzionadas las amus a pònnere a cumone imprentende unu libreddu chi amus a intregare a totu cantos sos poetas in cuncursu (bastis chi presentent) in pare cun una pergamena in ammentu de su cuncursu e, mescamente, in ammentu de s’istimadu Vitòriu.
Primu “Prèmiu Vitòriu Sella” de poesia sarda
Thiniscole, su 30 de austu in Gana ‘e Gortoe
1) Su primu “Prèmiu Vitòriu Sella” de poesia sarda est unu cuncursu literàriu in memòria de s’istòricu, giornalista e iscritore bitzichesu/thiniscolesu a pagos meses dae sa dispedida sua. Un’omenàgiu a sa figura e a sos traballos suos pro dare valore a sa terra nostra. Cunforma a custa punna invitamus sos poetas de Sardigna a pigare parte a custu prèmiu imbiende unu cumponimentu in limba sarda o in àteras minorias linguìsticas (tataresu, aligaresu, gadduresu, tabarchinu).
2) Cada poeta podet pigare parte a su prèmiu cun una poesia ebbia seberende una de sas duas setziones ammìtidas: poesia in rima; poesia a versu lìberu. Non b’at perunu tema impostu, ma diat èssere cosa agradèssida a retzire cumponimentos in lìnia cun sas temàticas carignadas dae s’istimadu Vitòriu in sos artìculos, in sas monografias, in sas poesias e in sos contos suos. Sas poesias devent èssere inèditas (mai publicadas, nemmancu in internet) e mai premiadas in aterue.
3) Sas poesias est mègius chi non nche barighent una pàgina word (interlìnia sìngula e 12 puntos de mannària caràtile). Intro de su 30 de trìulas nche devent cròmpere a sos giurados via posta eletrònica imbiende·nche·las a s’indiritzu info@giumarmultiservice.com e inditende·li in s’ogetu una de sas optziones chi sighint: “Prèmiu Vitòriu Sella” - Setzione in rima; “Prèmiu Vitòriu Sella” - Setzione a versu lìberu. In cada poesia non devent mancare tìtulu, nùmene e sambenadu de s’autore e nùmeru telefònicu. Sas poesias in tataresu, aligaresu, gadduresu, tabarchinu est mègius chi crompant in pare cun una tradutzione in sardu o in italianu.
4) Pro su chi pertocat su sardu est mègius chi sos poetas sigant a su nessi sas règulas de su “Premio Ozieri” (http://www.bibliotechelogudoro.org/PremioOzieri/Regole.asp). Chie cheret podet iscrìere cun sas règulas de sa limba comuna. Pro chistiones de mètrica o esigèntzias de rima, no amus a impedire s’impreu de sa vocale paragògica a concruos de faeddu, bastis chi (s’in casu acontessat) nche siat in intro de una parèntesi. Es: sos pitzinnos(o).
5) Sos chimbe giurados ant a seletzionare sas poesias cunforma a sa chirca cuntzetuale e linguìstica de cada autore. A costàgiu de sa giuria tècnica, su die de sa premiatzione, una giuria populare cun àteras chimbe persones at valutare sas poesias e sas interpretatziones de sos premiados e de sos mentzionados presentes. De custa manera ant a èssere tres sas classìficas: 1) Setzione in rima (tres premiados e tres mentzionados); 2) Setzione a versu lìberu (su matessi); 3) Classìfica populare (unu binchidore ebbia). In contu de prèmios sos poetas ant a retzire produtos artesanales e eno-gastronòmicos locales gràtzias a s’agiudu de operadores e atividades de su logu.
6) Sos poetas premiados e mentzionados ant a retzire s’avisu (in risposta a sa prima mail o a su nùmeru telefònicu inditadu in sa matessi) non prus a tardu de su 15 de austu. Sa positzione in classìfica at a èssere comunicada su die matessi de sa premiatzione. Sas poesias premiadas e mentzionadas las amus a pònnere a cumone imprentende unu libreddu chi amus a intregare a totu cantos sos poetas in cuncursu (bastis chi presentent) in pare cun una pergamena in ammentu de su cuncursu e, mescamente, in ammentu de s’istimadu Vitòriu.
Nessun commento:
Posta un commento